നാഷണൽ ഹൈവേ അതോറിറ്റി ഓഫ് ഇന്ത്യ (NHAI) രാജ്യത്തെ ഹൈവേകളിൽ 4 മുതൽ 5 ശതമാനം വരെ ടോൾ നിരക്ക് വർധിപ്പിച്ചു. പുതുക്കിയ ടോൾ നിരക്കുകൾ ഇന്നു മുതൽ പ്രാബല്യത്തിൽ വന്നതായി ഹൈവേ മന്ത്രാലയം അറിയിച്ചു.
മൊത്തവില സൂചിക അടിസ്ഥാനമാക്കി പണപ്പെരുപ്പത്തിലെ മാറ്റങ്ങളുമായി ബന്ധപ്പെട്ട വാർഷിക അവലോകന പ്രക്രിയയുടെ ഭാഗമായാണ് ടോൾ നിരക്ക് വർധിപ്പിച്ചത്. ഏപ്രിൽ 1 മുതൽ എല്ലാ വർഷവും ഈ പരിഷ്കരണം ഉണ്ടാകും. ഓരോ ദേശീയ പാതയ്ക്കും എക്സ്പ്രസ് വേയ്ക്കും ടോൾ നിരക്കുകൾ ഒരുപോലെയല്ല പരിഷ്കരിക്കുന്നത്.
2008 ലെ നാഷണൽ ഹൈവേ ഉപയോക്ത്യ ഫീസ് ചട്ടം അനുസരിച്ചാണ് ടോൾ പിരിക്കുന്നത്.
നിലവിൽ, ദേശീയപാത ശൃംഖലയിലുടനീളം ഏകദേശം 855 ഉപയോക്തൃ ഫീസ് പ്ലാസകളുണ്ട്.. ഇതിൽ 675 എണ്ണം പൊതു ഫണ്ടിൽ നിന്നുള്ളവയാണ്, 180 എണ്ണം കൺസഷനേയർ നടത്തുന്ന ടോൾ പ്ലാസകളാണ്.
