യുഎസ് ഇറക്കുമതിക്ക് മേൽ 34 ശതമാനം പരസ്പര താരിഫ് ഏർപ്പെടുത്തിയ നടപടി പിൻവലിച്ചില്ലെങ്കിൽ ചൈനക്കെതിരെ 50 ശതമാനം അധിക തീരുവ ചുമത്തുമെന്ന് ഭീഷണിയെ ശക്തമായി നേരിടുമെന്ന് ചൈന. അമേരിക്കയുടെ താരിഫ് ബ്ലാക്ക്‌മെയിലിംഗ് കണ്ട് ഭയപ്പെടില്ല എന്ന് ചൈനയുടെ വാണിജ്യ മന്ത്രാലയം പ്രസ്താവനയിൽ പറഞ്ഞു.
ചൈനക്കെതിരെ തീരുവ ചുമത്തുമെന്ന പ്രഖ്യാപനം അമേരിക്കയുടെ ഭീഷണി തെറ്റിനു മുകളിലുള്ള തെറ്റാണ്, ഇത് അമേരിക്കയുടെ ബ്ലാക്ക്‌മെയിലിംഗ് സ്വഭാവം വീണ്ടും തുറന്നുകാട്ടുന്നു,” ചൈനയുടെ വാണിജ്യ മന്ത്രാലയം പ്രസ്താവനയിൽ പറഞ്ഞു. അമേരിക്ക അവരുടെ സ്വന്തം ഇഷ്ടത്തിന് വഴങ്ങണമെന്ന് നിർബന്ധം പിടിച്ചാൽ, ചൈന അവസാനം വരെ അതിനെതിരെ പോരാടും,” മന്ത്രാലയം കൂട്ടിച്ചേർത്തു.
യുഎസ് ഇറക്കുമതിക്ക് മേൽ 34 ശതമാനം പരസ്പര താരിഫ് ഏർപ്പെടുത്തിയ പ്രഖ്യാപനം പിൻവലിക്കാൻ ചൈനയ്ക്ക് ഒരു ദിവസത്തെ സമയം നൽകിയ ട്രംപ്, സമയപരിധി പാലിച്ചില്ലെങ്കിൽ ഏപ്രിൽ 9 മുതൽ 50 ശതമാനം അധിക താരിഫ് ബാധകമാകുമെന്നും കഴിഞ്ഞ ദിവസം പറഞ്ഞു.
