കഴിഞ്ഞ മൂന്ന് വര്‍ഷത്തിനിടെ ക്രെഡിറ്റ് കാര്‍ഡിൻ്റെ ജനപ്രീതി വളരെയധികം വർധിച്ചിട്ടുണ്ട്. റിവാർഡ് പോയിന്റുകൾ, ക്യാഷ്ബാക്കുകൾ, ഷോപ്പിംഗ് സമയത്തെ കിഴിവുകൾ, എയർപോർട്ട് ലോഞ്ച്, എയർമൈലുകൾ തുടങ്ങി നിരവധി ഘടകങ്ങൾ ക്രെഡിറ്റ് കാർഡിനെ ജനപ്രിയമാക്കി.
ഇപ്പോഴിതാ, അഞ്ച് ക്രെഡിറ്റ് കാർഡുകൾ അതിൻ്റെ ഉടമകൾക്ക് ഡിസ്നി + ഹോട്ട്സ്റ്റാർ, ആമസോൺ പ്രൈം, സോണിലിവ് തുടങ്ങിയ ഒടിടി സബ്‌സ്‌ക്രിപ്‌ഷനിൽ വമ്പൻ ഓഫറുമായി എത്തിയിരിക്കുന്നു.
ആക്സിസ് ബാങ്കിന്റെ മൈ സോൺ ക്രെഡിറ്റ് കാർഡിലൂടെ ആദ്യ ഷോപ്പിംഗ് ആദ്യ 30 ദിവസത്തിനുള്ളിൽ നടത്തുകയാണെങ്കിൽ 1,499 രൂപയോളം വരുന്ന സോണിലിവ് വാർഷിക സബ്സ്ക്രിപ്ഷൻ സൗജന്യമായി ലഭിക്കും. കൂടാതെ, ഡിസ്ട്രിക്റ്റ് ആപ്പ് വഴി ബുക്ക് ചെയ്യുന്ന സിനിമാ ടിക്കറ്റിന് 100 ശതമാനം കിഴിവും നൽകുന്നു.
എച്ച്ഡിഎഫ്സി ബാങ്കിൻ്റെ ഡൈനേഴ്സ് ക്ലബ് പ്രിവിലേജ് ക്രെഡിറ്റ് കാർഡ് ഉപയോക്താക്കൾക്ക് സ്വാഗത സമ്മാനമായി ടൈംസ് പ്രൈമിന്റെ സൗജന്യ സബ്സ്ക്രിപ്ഷൻ ഓഫർ ചെയ്യുന്നു. ഡൈനേഴ്സ് ക്ലബ് ബ്ലാക്ക് ക്രെഡിറ്റ് കാർഡ് ഉപയോക്താക്കൾക്ക് ആമസോൺ പ്രൈമിനും ടൈംസ് പ്രൈമിനും സൗജന്യ സബ്സ്ക്രിപ്ഷൻ നേടാം.
ഐഡിഎഫ്സിയുടെ ഫസ്റ്റ് ബാങ്ക് ക്രെഡിറ്റ് കാർഡ് 500 രൂപയ്ക്ക് മുകളിലുള്ള ഓരോ ഇടപാടിനും 500 രൂപ ക്യാഷ്ബാക്ക് ഓഫർ ഉണ്ട്. പരമാവധി നാല് തവണയായിരിക്കും ഇത് നൽകുക. ഒടിടി സബ്സ്ക്രിപ്ഷൻ ചെയ്യാൻ ഇത് ഉപയോഗിക്കാം.
എയു ബാങ്കിൻ്റെ ലിറ്റ് ക്രെഡിറ്റ് കാർഡ് എടുത്ത് ആദ്യ 90 ദിവസത്തിനുള്ളിൽ 5,000 അല്ലെങ്കിൽ 10,000 രൂപയ്ക്ക് മുകളിൽ ചെലവഴിച്ചാൽ സീ 5 ഉം ആമസോൺ പ്രൈം സബ്‌സ്‌ക്രിപ്‌ഷനും നേടാം. അതേസമയം ഈ സമയപരിധിക്കുള്ളിൽ ഈ തുക ചെലവഴിച്ചില്ലെങ്കിൽ, യഥാക്രമം അൻപത് രൂപയും 299 രൂപയും പിഴ ഈടാക്കുമെന്ന് ബാങ്കിന്റെ വെബ്‌സൈറ്റ് പറയുന്നു.
