Author: Bismi Baby

കാട്ടാക്കട നിയോജകമണ്ഡലത്തെ പാരിസ്ഥിതിക മോഡലാക്കി മാറ്റിയ ഐ.ബി. സതീഷ് എം.എൽ.എയ്ക്ക് സംസ്ഥാന പരിസ്ഥിതി സംരക്ഷക പുരസ്കാരം. പരിസ്ഥിതി സംരക്ഷണ രംഗത്ത് മികവ് പ്രകടിപ്പിക്കുന്ന വ്യക്തികളെ ആദരിക്കുന്നതിനായി പരിസ്ഥിതി കാലാവസ്ഥാ വ്യതിയാന ഡയറക്ടറേറ്റ് നൽകുന്ന സംസ്ഥാന പരിസ്ഥിതി സംരക്ഷക പുരസ്‌കാരത്തിന് ഐ.ബി. സതീഷ് എം.എൽ.എ അർഹനായി. കഴിഞ്ഞ ഒമ്പതുവർഷക്കാലമായി സുസ്ഥിര വികസനത്തിലൂന്നി കാട്ടാക്കട നിയോജകമണ്ഡലത്തിൽ നടത്തിയ പരിസ്ഥിതി സംരക്ഷണ പ്രവർത്തനങ്ങളാണ് ഐ.ബി സതീഷ് എം.എൽ.എയെ പുരസ്കാര ജേതാവാക്കിയത്. കാറ്റും മഴയും വരെ തത്സമയം അളക്കാൻ കഴിയുന്ന, ഐഒടി സാങ്കേതികവിദ്യ ഉപയോഗിച്ച കേരളത്തിലെ ആദ്യ പഞ്ചായത്തായി കാട്ടാക്കടയെ രൂപപ്പെടുത്തുകയും, ജലസമൃദ്ധി മുതൽ കാർബൺ ന്യൂട്രൽ പദ്ധതി വരെ നൂറുകണക്കിന് പാരിസ്ഥിതിക ആശയങ്ങളാണ് ഐ.ബി. സതീഷ് എം.എൽ.എ ജനങ്ങളിലെത്തിക്കുകയും ചെയ്തു. സുസ്ഥിര വികസന വളർച്ച കൈവരിക്കുന്നതിനായി ജനപ്രതിനിധി എന്ന നിലയിൽ താഴെത്തട്ട് മുതൽ ദീർഘവീക്ഷണത്തോടെ നടപ്പാക്കിയ പാരിസ്ഥിതിക സൗഹാർദ്ദ പ്രവർത്തനങ്ങളാണ് ഐ.ബി സതീഷ് എം.എൽ.എയെ പരിസ്ഥിതി സംരക്ഷകൻ എന്ന നിലയിൽ ശ്രദ്ധേയനാക്കിയത്. അവയവദാന ക്യാമ്പയിന്‍, ജൈവ…

ലോകവ്യാപകമായ വിമാനക്ഷാമം ആശങ്കാജനകമെന്ന് രാജ്യാന്തര വ്യോമഗതാഗത സംഘടന (അയാട്ട). മികച്ച നിരക്കിൽ വിമാനങ്ങൾ ഓർഡർ ചെയ്തിട്ടുണ്ടെങ്കിലും, താത്കാലികമായി സർവീസ് ചെയ്തെടുക്കാനാകുന്ന വിമാനങ്ങളുടെ എണ്ണം ഗണ്യമായി കുറവാണ്. 17,000ലേറെ വിമാനങ്ങൾക്കാണ് ഓർഡർ നൽകി കാത്തിരിക്കുന്നത്. ഇതിൽ 5,400 എണ്ണം ഇതിനകം ലഭിക്കേണ്ടതായിരുന്നുവെന്ന് അയാട്ട വാർഷിക സമ്മേളനം ചൂണ്ടിക്കാട്ടി. ലോകത്ത് നിലവിൽ പ്രവർത്തിക്കുന്ന മൊത്തം കമേഴ്സ്യൽ വിമാനങ്ങൾ ഏകദേശം 36,000 ഉള്ളതിൽ, 15% ശതമാനത്തോളം കുറവാണ് ഇപ്പോഴുള്ളത്. ഈ കുറവ് പരിഹരിക്കാൻ കുറഞ്ഞത് അഞ്ച് വർഷം വേണ്ടിവരും. എയർബസ്, ബോയിങ് പോലുള്ള മുൻനിര നിർമ്മാതാക്കളിൽ നിന്നുള്ള ഡിസ്പാച്ച് വൈകുന്നതോടെ, പുതിയ വിമാനങ്ങൾ ലഭിക്കാൻ ശരാശരി 14 വർഷം വരെ കാത്തിരിക്കേണ്ടി വരുമെന്നാണ് അനുമാനം. ഉൽപാദനത്തിനുള്ള പരിമിതിയും വിതരണശൃംഖലയിലെ പ്രശ്നങ്ങളുമാണ് വിമാനനിർമാണക്കമ്പനികൾ നേരിടുന്ന വെല്ലുവിളി. എയർലൈൻ കമ്പനികൾ പഴയ വിമാനങ്ങൾ ലീസിനെടുക്കുന്നതിനും വ്യാപകമായി സെക്കൻഡ് ഹാൻഡ് വിമാനങ്ങൾ വാങ്ങുന്നതിനും ചെലവ് വൻതോതിൽ വർധിച്ചു. നിലവിലുള്ള വിമാനങ്ങളുടെ ശരാശരി പ്രായം 13 വർഷമായിരുന്നത് 15 വർഷമായി ഉയർന്നു.…

ടെസ്ലയുടെ ഇന്ത്യാ പ്രവേശന പ്രതീക്ഷകൾക്ക് വീണ്ടും മങ്ങൽ. അമേരിക്കൻ ഇലക്ട്രിക് വാഹന ഭീമനായ ടെസ്ല, ഇന്ത്യയില്‍ നിര്‍മ്മാണം ലക്ഷ്യമിടുന്നില്ല. പകരം, മറ്റ് രാജ്യങ്ങളിൽ നിന്നുള്ള വാഹനങ്ങൾ ഇന്ത്യയിലേക്ക് ഇറക്കുമതി ചെയ്ത് വിൽക്കുമെന്നാണ് പുതിയ റിപ്പോര്‍ട്ടുകൾ പറയുന്നത്. ഇന്ത്യയിൽ ഉത്പാദനം നടത്താതെ ഇറക്കുമതി ചെയ്യുന്ന വാഹനങ്ങൾ ടെസ്ല വിൽക്കുകയാണെങ്കിൽ, അതിനായി ഉപഭോക്താക്കൾ കനത്ത നികുതി അടയ്ക്കേണ്ടിവരും. നിലവിൽ ഇറക്കുമതി തീരുവ 70 മുതൽ 100 ശതമാനം വരെയാണ്. ഇത് ടെസ്ലയുടെ വാഹനങ്ങൾ സാധാരണകാർക്ക് താങ്ങാൻ കഴിയാത്ത വിലയിൽ എത്തിക്കുമെന്നാണ് വിദഗ്ധർ പറയുന്നത്. നിർമ്മാണം ഒഴിവാക്കി വാഹനങ്ങൾ വിൽക്കാനായി ഇന്ത്യയിൽ ഷോറൂമുകൾ ആരംഭിക്കാനാണ് ടെസ്ല ലക്ഷ്യമിടുന്നതെന്ന് കേന്ദ്ര ഹെവി വ്യവസായ മന്ത്രി എച്ച്.ഡി. കുമാരസ്വാമി പറഞ്ഞു. 2024 മാർച്ചിൽ ഇന്ത്യ സർക്കാരിന്റെ പുതിയ ഇവി നയം പ്രകാരം, **ഏകദേശം 500 ദശലക്ഷം ഡോളർ നിക്ഷേപം ചെയ്യുന്ന കമ്പനികൾക്കാണ് 15% തീരുവ ഇളവ് ലഭിക്കുന്നത്. നിക്ഷേപമില്ലെങ്കിൽ, 70-100% നികുതി ബാധകമാകും. ടെസ്ല ഈ പദ്ധതിയുടെ ആദ്യഘട്ട…

പിരിച്ചുവിടല്‍ തുടർന്ന് മൈക്രോസോഫ്റ്റ്. കഴിഞ്ഞ മാസം 6000 ജീവനക്കാരെയാണ് മൈക്രോസോഫ്റ്റ് പിരിച്ചുവിട്ടത്. ഈ വലിയ പിരിച്ചുവിടലിന് പിന്നാലെ, വീണ്ടും 300-ലധികം ജീവനക്കാരെ കൂടി മൈക്രോസോഫ്റ്റ് പിരിച്ചുവിട്ടു. വാഷിങ്ടണ്‍ സ്റ്റേറ്റ്സ് നോട്ടീസ് പ്രകാരമാണ് ജീവനക്കാരെ പിരിച്ചുവിട്ടതെന്ന് അമേരിക്കന്‍ ബിസിനസ് മാഗസിന്‍ ആയ ബ്ലൂംബര്‍ഗ് റിപ്പോര്‍ട്ട് ചെയ്തു. കമ്പനിയുടെ വിജയത്തിനായാണ് പിരിച്ചുവിടുന്നതെന്നും കമ്പനിയുടെ ഉയര്‍ച്ചയ്ക്കായാണ് ഈ മാറ്റങ്ങള്‍ കൊണ്ടുവരുന്നതെന്നും അധികൃതര്‍ വ്യക്തമാക്കി. 2024 ജൂൺ വരെ ആഗോളതലത്തിൽ മൈക്രോസോഫ്റ്റിന് 2.28 ലക്ഷം ജീവനക്കാർ ഉണ്ടായിരുന്നതായി കമ്പനി വെളിപ്പെടുത്തിയിട്ടുണ്ട്. അതിൽ 55 ശതമാനത്തോളം യുഎസിലാണ് ജോലി ചെയ്യുന്നത്. പ്രധാനമായും സോഫ്റ്റ്‌വെയർ എഞ്ചിനിയർമാരുടെ ജോലി നഷ്ടപ്പെട്ടതായാണ് റിപ്പോർട്ടുകൾ. ടെക് കമ്പനികൾ വലിയ തോതിൽ എഐ ഉപാധികൾക്കായി നിക്ഷേപം നടത്തുന്നതിനൊപ്പം, ചില മേഖലകളിൽ ജീവനക്കാരെ പിരിച്ചുവിടുന്ന നിലപാട് തുടരുന്നു. “നമുക്ക് മുന്നിലുള്ള വ്യത്യസ്ത വിപണി ചലനങ്ങളോട് പ്രതികരിക്കാനും, കമ്പനിയെ കൂടുതല്‍ കാര്യക്ഷ്മമാക്കാനും സംഘടനാ നിലപാട് മാറ്റങ്ങള്‍ അനിവാര്യമാണെന്ന് തിരിച്ചറിഞ്ഞു, ഈ മാറ്റങ്ങൾ കമ്പനിയുടെ ദീർഘകാല വിജയത്തിനായാണ് നടപ്പാക്കുന്നതെന്നും” മൈക്രോസോഫ്റ്റ്…

വിപുലമായ വിദേശ അനുഭവങ്ങളുമായി നാട്ടിലേക്ക് തിരിച്ചെത്തിയ പ്രവാസി വനിതകള്‍ക്ക് സ്വന്തം സംരംഭം തുടങ്ങാനോ നിലവിലുള്ളത് വികസിപ്പിക്കാനോ സുവര്‍ണാവസരം. നോര്‍ക്ക റൂട്ട്‌സും കേരള സംസ്ഥാന വനിതാ വികസന കോര്‍പ്പറേഷനും (KSWDC) ചേര്‍ന്ന് വനിതാ സംരംഭ പദ്ധതി നടപ്പാക്കുന്നു. ഏകദേശം രണ്ട് വര്‍ഷമെങ്കിലും വിദേശത്ത് ജോലി ചെയ്ത് പിന്നീട് നാട്ടിലേക്ക് മടങ്ങിയ വനിതകൾക്കാണ് പദ്ധതിയുടെ പ്രധാന പരിഗണന. NDPREM (NORKA Department Project for Returned Emigrants) എന്ന നോര്‍ക്കയുടെ ഉദ്ദേശ്യപദ്ധതിയുടെ ഭാഗമായാണ് ഈ പ്രത്യേക വനിതാ സംരംഭ പദ്ധതി നടപ്പാക്കുന്നത്. കേരളത്തിലേക്ക് തിരിച്ചെത്തുന്ന പ്രവാസികള്‍ക്കായി മാനവ വിഭവശേഷിയും സാമ്പത്തിക മാന്ദ്യവും പരിഗണിച്ച് രൂപീകരിച്ച പദ്ധതിയാണിത്. പരമാവധി 30 ലക്ഷം രൂപ വരെ വായ്പ ലഭിക്കുന്നു. പുതിയ സംരംഭങ്ങള്‍ക്കോ നിലവിലുള്ള ബിസിനസ്സുകളുടെ വിപുലീകരണത്തിനോ ഈ വായ്പ ഉപയോഗിക്കാം. വായ്പ കൃത്യമായി തിരിച്ചടക്കുന്നവര്‍ക്ക് മൊത്തം വായ്പ തുകയുടെ 15% വരെ സബ്‌സിഡിയായി ലഭിക്കും. നോര്‍ക്ക റൂട്ട്‌സില്‍ നിന്ന് 3% പലിശ സബ്‌സിഡിയും, വനിതാ വികസന കോര്‍പ്പറേഷന്റെ…

റിസർവ് ബാങ്ക് ഓഫ് ഇന്ത്യയുടെ (RBI) അടുത്ത ധനനയ അവലോകന യോഗം നാളെ തുടങ്ങും. ജൂൺ 4 മുതൽ 6 വരെ നടക്കുന്ന യോഗത്തിൽ റിപ്പോ നിരക്ക് കുറയുമെന്ന പ്രതീക്ഷയിലാണ് എല്ലാവരും.കഴിഞ്ഞ തവണത്തെ പോലെയുള്ള അഭിപ്രായ വ്യത്യാസങ്ങളൊന്നും ഇത്തവണ സാമ്പത്തിക വിചക്ഷണന്മാർക്കിടയിൽ ഇല്ല. ഏപ്രിൽ മാസത്തിൽ ഉപഭോക്തൃ വില സൂചിക (CPI) 3.16% ആയി കുറയുകയും, മേയിൽ ഇത് 3.34% ആയി തുടരുകയും ചെയ്ത സാഹചര്യത്തിൽ, റിസർവ് ബാങ്കിന്റെ ലക്ഷ്യമായ 4 ശതമാനത്തിൽ നിന്ന് വളരെ താഴെയാണ് നിലവിലെ നില. ഭക്ഷ്യവിലകളിൽ ഉണ്ടായ ഇടിവാണ് ഈ ചുരുക്കത്തിനുള്ള പ്രധാന കാരണം. വിലക്കയറ്റം നിയന്ത്രണത്തിൽ എത്തിയപ്പോൾ സമ്പദ് വ്യവസ്ഥയ്ക്ക് ആവശ്യമുള്ള വളർച്ചയ്ക്ക് ഊന്നൽ നൽകാനുള്ള സാഹചര്യം സൃഷ്ടിച്ചിരിക്കുകയാണ്. അതിനാൽ തന്നെ, നിലവിലെ ധനനയ യോഗത്തിൽ കേന്ദ്ര ബാങ്ക് റിപ്പോ നിരക്ക് കുറയ്ക്കുമെന്നാണ് ബഹുഭൂരിപക്ഷം നിരീക്ഷകരുടെയും വിലയിരുത്തൽ. ജനുവരി മാസത്തിൽ വിലക്കയറ്റം കൂടുതലായിരുന്നിട്ടും റിപ്പോ നിരക്കിൽ കുറവ് വരുത്തിയിരുന്നു. ഏപ്രിലിൽ അത് തുടരുകയും…

അതിശക്തമായ തിരിച്ചുവരവിലൂടെ നിക്ഷേപ മേഖലയില്‍  ഞെട്ടിക്കുകയാണ് അനില്‍ അംബാനി. അദ്ദേഹത്തിന്റെ നിയന്ത്രണത്തിലുള്ള കമ്പനികള്‍ വിപണിയില്‍ വമ്പന്‍ നേട്ടങ്ങള്‍ കൈവരിച്ചു കൊണ്ടിരിക്കുകയാണ്. റിലയന്‍സ് പവര്‍, ഇന്‍ഫ്ര, ഹോം ഫിനാന്‍സ് തുടങ്ങിയ ഓഹരികള്‍ അതിവേഗം ഉയര്‍ന്നുവന്നപ്പോള്‍, പ്രതിരോധ മേഖലയിലേക്കുള്ള അനില്‍ അംബാനിയുടെ പുതിയ നീക്കമാണ് ഇപ്പോഴത്തെ പ്രധാന ശ്രദ്ധാകേന്ദ്രം. അനില്‍ അംബാനിയുടെ തിരിച്ചുവരവില്‍ കടമുക്തമായ കമ്പനികളില്‍ ഒന്ന് റിലയന്‍സ് ഇന്‍ഫ്രസ്ട്രക്ച്ചര്‍ ആണ്. നിലവില്‍ കമ്പനി ഡിഫന്‍സ് പോര്‍ട്‌ഫോളിയൊരുക്കാന്‍ വലിയ പ്രധാന്യം നല്‍കുന്നു. ഓപ്പറേഷന്‍ സിന്ദൂറിന് ശേഷം ഇന്ത്യന്‍ പ്രതിരോധ സംവിധാനങ്ങള്‍ക്ക് ആഗോളതലത്തില്‍ വന്‍ ഡിമാന്‍ഡുണ്ട്. ഈ അവസരം മുതലെടുത്ത് നീങ്ങാനാണ് അനില്‍ അംബാനിയുടെ നീക്കം. റിലയന്‍സ് ഇന്‍ഫ്രയ്ക്ക് കീഴില്‍ പ്രതിരോധ മേഖലയില്‍ പ്രവര്‍ത്തിക്കുന്ന കമ്പനിയാണ് റിലയന്‍സ് ഡിഫന്‍സ് ലിമിറ്റഡ്. വമ്പന്‍ വെടിക്കോപ്പ് കയറ്റുമതിയാണ് കമ്പനി ലക്ഷ്യം വയ്ക്കുന്നത്. 2027 അവസാനം വരെ 3,000 കോടിയുടെ കയറ്റുമതിയാണ് ലക്ഷ്യമിടുന്നത്. ഈ സാമ്പത്തിക വര്‍ഷത്തില്‍ 1,500 കോടിയുടെ വെടിക്കോപ്പുകള്‍ കയറ്റുമതി ചെയ്യുമെന്നാണ് പ്രതീക്ഷിക്കുന്നത്. ഇതിനോടകം 100 കോടി…

ഇന്ത്യയുടെ പൊതുമേഖല സ്ഥാപനങ്ങളിൽ എല്‍ഐസി ഒന്നാമത്. രാജ്യത്തെ വലിയ ഇന്‍ഷുറന്‍സ് സ്ഥാപനമായ ലൈഫ് ഇന്‍ഷുറന്‍സ് കോര്‍പ്പറേഷന്‍ ഓഫ് ഇന്ത്യ (എല്‍ഐസി), 2024-25 സാമ്പത്തിക വര്‍ഷത്തിലെ ജനുവരി-മാര്‍ച്ച് പാദത്തിൽ മികച്ച സാമ്പത്തിക പ്രകടനമാണ് കാഴ്ചവെച്ചത്. ഈ കാലയളവില്‍ 38 ശതമാനം വര്‍ധനവോടെ 19,013 കോടി രൂപയുടെ അറ്റാദായമാണ് എല്‍ഐസി നേടിയത്, ഇതോടെ ലഭത്തിൽ പബ്ലിക് സെക്ടറിലെ എസ്‌ബിഐയെ മറികടന്നു. ആയിരക്കണക്കിന് ബ്രാഞ്ചുകള്‍ ഉള്ള എസ്ബിഐ, ഏഷ്യയിലെ വലിയ ബാങ്കുകളിലൊന്നാണ്. എന്നിരുന്നാലും, 2024-25ന്റെ അവസാന പാദത്തില്‍ എസ്ബിഐയുടെ അറ്റാദായം 18,643 കോടിയായിരുന്നു.അതിനേക്കാൾ എല്‍ഐസിയുടെ പ്രകടനം മികച്ചതായിരുന്നു. പുത്തന്‍ സാമ്പത്തിക കണക്കുകള്‍ മാനേജ്മെന്റിന്റെ കാര്യക്ഷമതയുടെയും, വിപണിയിലെ തന്ത്രപരമായ നീക്കങ്ങളുടെയും വിജയം തുറന്നുകാട്ടി. 2024-25 സാമ്പത്തിക വര്‍ഷത്തെ മുഴുവന്‍ കാലയളവിലും എല്‍ഐസിയുടെ മൊത്തം ലാഭം 48,151 കോടി രൂപയാണ്. സ്ഥിരതയും, കാലാനുസൃത നിക്ഷേപങ്ങള്‍ കൊണ്ടുള്ള വരുമാനശക്തിയും ഈ നേട്ടത്തിലേക്ക് സ്ഥാപനത്തെ നയിച്ചു. പുതിയ ഇന്‍ഷുറന്‍സ് പോളിസികളും ജനപ്രിയ പദ്ധതികളും വലിയ താത്പര്യം നേടിയതും ഈ നേട്ടത്തിന് സഹായകമായി.…

കേരളത്തിന്റെ അഭിമാന പദ്ധതിയായ വിഴിഞ്ഞം തുറമുഖം ഇനി രാജ്യത്തെത്തന്നെ ആകർഷിക്കുന്ന ആധുനിക പോർട്ട് സിറ്റിയായി വളരാൻ ഒരുങ്ങുന്നു. വിഴിഞ്ഞം-കൊല്ലം-പുനലൂര്‍ വികസന ഇടനാഴിയുടെ പദ്ധതി നടത്തിപ്പിനായി പബ്ലിക്ക് ലിമിറ്റഡ് കമ്പനി രൂപീകരിക്കുമെന്ന് ധനമന്ത്രി കെ.എന്‍ ബാലഗോപാല്‍ അറിയിച്ചു. മൂന്ന് ലക്ഷം കോടി രൂപയുടെ ഭീമനിക്ഷേപത്തിൽ ഒരുങ്ങുന്ന പോർട്ട് സിറ്റി 10,000ത്തോളം തൊഴിലവസരങ്ങൾ, ആധുനികമായ വ്യവസായ സംവിധാനങ്ങൾ, ലോകോത്തര അടിസ്ഥാനസൗകര്യങ്ങൾ എന്നിവ ലക്ഷ്യമാക്കിയാണ് പുതിയ കമ്പനി വരുന്നത്. കിഫ്ബിയുടെ നിയന്ത്രണത്തിലാകും കമ്പനിയുടെ പ്രവര്‍ത്തനം. വികസന ഇടനാഴിയിൽ ഉൾപ്പെടുന്ന പ്രദേശത്ത് നിക്ഷേപം സാധ്യമാക്കുന്നതിനും വ്യവസായങ്ങള്‍ക്ക് ആവശ്യമായ ഭൂമി കമ്പനിയുടെ പ്രധാന ചുമതല. കമ്പനിയുടെ രജിസ്‌ട്രേഷന്‍ ഉള്‍പ്പെടെയുള്ള പ്രാരംഭ പ്രവര്‍ത്തനങ്ങള്‍ക്ക് കിഫ്ബിയുടെ കണ്‍സള്‍ട്ടിംഗ് സ്ഥാപനമായ കിഫ്‌കോണിനെയാണ് ചുമതലപ്പെടുത്തിയിരിക്കുന്നത്. ആന്ധ്രാപ്രദേശ് ഇന്‍ഡസ്ട്രിയല്‍ ഇന്‍ഫ്രാസ്ട്രക്ചര്‍ കോര്‍പറേഷന്‍, തെലങ്കാന സ്‌റ്റേറ്റ് ഇന്‍ഡസ്ട്രിയല്‍ ഇന്‍ഫ്രാസ്ട്രക്ചര്‍ കോര്‍പറേഷന്‍ ലിമിറ്റഡ് എന്നിവയുടെ മാതൃകകളും പുതിയ കമ്പനി രൂപീകരണത്തിന് മാതൃകയാക്കും. കൂടാതെ, ദുബായ്, സിംഗപ്പൂര്‍ മാതൃകയില്‍ വിഴിഞ്ഞം കേന്ദ്രീകരിച്ച് തുറമുഖ നഗരം (Port city) രൂപീകരിക്കാനും കമ്പനിക്ക്…

ഇന്ത്യയും യുഎസും തമ്മിലുള്ള വ്യാപാര കരാറിന്റെ ഭാഗമായി, ബിസിനസ്സുകൾക്ക് മുൻഗണനാ വിപണി പ്രവേശനം ഉറപ്പാക്കാനുള്ള ശ്രമങ്ങൾ രണ്ടു രാജ്യങ്ങളും സജീവമായി നടത്തുകയാണെന്ന് കേന്ദ്ര വാണിജ്യമന്ത്രി പീയൂഷ് ഗോയൽ പറഞ്ഞു. പാരീസിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. സ്റ്റീൽ, അലുമിനിയം ഇറക്കുമതികളിൽ ട്രംപ് 50% വരെ തീരുവ വർദ്ധിപ്പിക്കുമെന്ന് പ്രഖ്യാപിച്ചതിനുശേഷം, ഇത് സംബന്ധിച്ച ആശങ്കകൾക്കിടയിൽ പ്രതികരിക്കുകയായിരുന്നു ഗോയൽ. “ഇന്ത്യയും യുഎസും മികച്ച ബന്ധം പങ്കിടുന്നു. ഇത്തരം പ്രശ്നങ്ങൾ ഉഭയകക്ഷിയായി പരിഹരിക്കാൻ നാം പ്രതിജ്ഞാബദ്ധരാണ്. കാത്തിരുന്ന് കാണാം,” അദ്ദേഹം കൂട്ടിച്ചേർത്തു. ഇരു രാജ്യങ്ങൾ തമ്മിലുള്ള ഇടക്കാല വ്യാപാര കരാറിന് രൂപം നൽകാൻ യുഎസ് പ്രതിനിധികൾ ഇന്ത്യയിൽ ഉളളതായി റിപ്പോർട്ടുകളുണ്ട്.ജൂൺ അവസാനത്തോടെ ഈ കരാർ പ്രഖ്യാപിക്കപ്പെടുമെന്ന പ്രതീക്ഷയോടെയാണ് ചർച്ചകൾ പുരോഗമിക്കുന്നത്. ആഭ്യന്തര ഉൽപ്പന്നങ്ങളിൽ നിലവിലുള്ള 26% വരെയുള്ള തീരുവ പൂർണ്ണമായി ഒഴിവാക്കണമെന്ന നിലപാടിലാണ് ഇന്ത്യ. ഫെബ്രുവരി 2025-ൽ ട്രംപും പ്രധാനമന്ത്രി മോദിയും ഒരുമിച്ച് അവതരിപ്പിച്ച സംയുക്ത പ്രഖ്യാപനത്തിൽ, ഇരു രാജ്യങ്ങൾ തമ്മിലുള്ള വ്യാപാരത്തിനെ പുതിയ തലത്തിലേക്ക്…