സ്വർണ്ണവില വീണ്ടും കുറഞ്ഞു. സംസ്ഥാനത്ത് ഇന്ന് സ്വർണ വില ഗ്രാമിന് 25 രൂപയും പവന് 200 രൂപയുമാണ് കുറഞ്ഞത്. ഇതോടെ ഗ്രാമിന് 8285 രൂപയും പവന് 66,280 രൂപയുമായി. മൂന്നു ദിവസത്തിനിടെ പവന് കുറഞ്ഞത് 2200 രൂപയാണ്. വെള്ളിവിലയില്‍ മാറ്റമില്ല. ഗ്രാമിന് വില 102 രൂപയാണ്.
കേരളത്തിൽ നിലവിൽ ഒരു പവൻ സ്വർണ്ണം സ്വന്തമാക്കാൻ, കുറഞ്ഞ പണിക്കൂലി കണക്കാക്കിയാൽപ്പോലും പവന് ഏകദേശം 72,000 രൂപയാണ് നൽകേണ്ടത്. ജി.എസ്.ടി 3%, കുറഞ്ഞ പണിക്കൂലി 5% ഹോൾമാർക്കിങ് ചാർജ്ജ് എന്നിവയെല്ലാം ഉൾപ്പെടെയുള്ള നിരക്കാണിത്. ഡിസൈൻ കൂടുതലുള്ള ആഭരണങ്ങൾക്ക് പണിക്കൂലി ഉയരുമെന്നതിനാൽ വിലയിലും ആനുപാതികമായ വർധനയുണ്ടാകും. നിലവിൽ രാജ്യാന്തര വിലയിലുണ്ടായ താഴ്ച്ചയാണ് കേരളത്തിലും സ്വർണ്ണ വില കുറയാൻ കാരണം. ആഗോള സ്വർണ്ണ വില ഇപ്പോൾ ട്രോയ് ഔൺസിന് 3,025.87 ഡോളർ എന്ന നിരക്കിലാണ് വ്യാപാരം നടത്തുന്നത്.
ഇക്കഴിഞ്ഞ ഏപ്രിൽ മൂന്നാം തിയ്യതി, വ്യാഴാഴ്ച്ചയാണ് കേരളത്തിൽ സ്വർണ്ണ വില സർവ്വകാല ഉയരം കുറിച്ചത്. പവന് 66,480 രൂപയും, ഗ്രാമിന് 8,560 രൂപയുമായിരുന്നു അന്നത്തെ നിരക്ക്. ഇവിടെ നിന്നാണ് പിന്നീട് വിലയിൽ കുറവുണ്ടായത്.
