ഏപ്രിൽ മുതൽ ക്രെഡിറ്റ് കാർഡ് ആനുകൂല്യങ്ങൾ, പുതുക്കിയ എഫ്ഡി നിരക്കുകൾ, എടിഎം പിൻവലിക്കൽ നയങ്ങൾ, സ്ഥിര നിക്ഷേപ പലിശ നിരക്കുകൾ, മിനിമം ബാലൻസ് എന്നിവയെല്ലാം മാറും.
എസ്ബിഐ, എച്ച്‌ഡി‌എഫ്‌സി ബാങ്ക്, ഇന്ത്യൻ ബാങ്ക്, ഐ‌ഡി‌ബി‌ഐ ബാങ്ക്, പഞ്ചാബ് & സിന്ധ് ബാങ്ക് തുടങ്ങിയ നിരവധി ബാങ്കുകൾ സ്ഥിര നിക്ഷേപങ്ങളുടെ പലിശ നിരക്കുകൾ പരിഷ്കരിക്കുന്നു. ഉയർന്ന റിട്ടേണുകളുള്ള പ്രത്യേക എഫ്ഡി കാലാവധികൾ അവതരിപ്പിച്ചിട്ടുണ്ട്. സേവിങ്സ് അക്കൗണ്ടുകളുടെയും പലിശ നിരക്കുകൾ പരിഷ്കരിക്കുന്നുണ്ട്. സേവിങ്സ് അക്കൗണ്ടുകളുടെ പലിശ ഇപ്പോൾ അക്കൗണ്ട് ബാലൻസിനെ ആശ്രയിച്ചിരിക്കും. ഉയർന്ന ബാലൻസുകൾക്ക് മികച്ച പലിശ നിരക്കുകൾ ലഭിക്കാം.
മിനിമം ബാലൻസ് നിയമങ്ങൾ എസ്ബിഐ, പഞ്ചാബ് നാഷണൽ ബാങ്ക്, കാനറ ബാങ്ക് തുടങ്ങിയ പ്രമുഖ ബാങ്കുകൾ അപ്‌ഡേറ്റ് ചെയ്തിട്ടുണ്ട്. അക്കൗണ്ടിന് അനുസരിച്ച് ആവശ്യമായ മിനിമം ബാലൻസ് വ്യത്യാസപ്പെടും.
നിരവധി ബാങ്കുകൾ എടിഎം പിൻവലിക്കൽ നയങ്ങളൂം പരിഷ്കരിച്ചിട്ടുണ്ട്. പ്രതിമാസം സൗജന്യ എടിഎം പിൻവലിക്കലുകൾ കുറയ്ക്കും. ഓരോ മാസവും മറ്റ് ബാങ്ക് എടിഎമ്മുകളിൽ നിന്ന് മൂന്ന് സൗജന്യ പിൻവലിക്കലുകൾ മാത്രമേ നടത്താനാകൂ. ഈ പരിധി കവിഞ്ഞാൽ ഓരോ ഇടപാടിനും 20 രൂപ മുതൽ 25 രൂപ വരെ അധിക ചാർജുകൾ ഈടാക്കും.
5,000 രൂപക്ക് മുകളിലുള്ള ചെക്ക് പേയ്‌മെൻ്റുകൾക്ക് പോസിറ്റീവ് പേ സിസ്റ്റം ബാധകമാണ്. ഈ സംവിധാനം
ഇടപാടുകളിൽ സുരക്ഷ വർധിപ്പിക്കുന്നതിനാണ്. ചെക്ക് പേയ്‌മെൻ്റുകൾ നടത്തുമ്പോൾ ഉപഭോക്താക്കൾ ചെക്ക് നമ്പർ, തീയതി, പണം സ്വീകരിക്കുന്നയാളുടെ പേര്, തുക എന്നിവ കൃത്യമായി പരിശോധിക്കണം. ചെക്ക് ഇടപാടുകളിലെ തട്ടിപ്പുകളും പിശകുകളും കുറയ്ക്കാൻ സഹായിക്കും.
ഏപ്രിൽ 1 മുതൽ, മൊബൈൽ നമ്പറുകൾ അപ്‌ഡേറ്റ് ചെയ്തിട്ടില്ലെങ്കിൽ ഉപയോക്താക്കൾക്ക് ബാങ്കിങ് സേവനങ്ങൾ ലഭിക്കില്ല നഷ്ടപ്പെട്ടേക്കാം. മൊബൈൽ നമ്പർ മാറ്റിയിട്ട് ബാങ്കിൽ അപ്‌ഡേറ്റ് ചെയ്യാത്തവർ, ബാങ്കിനെ അറിയിക്കാതെ നമ്പർ നിർജീവമാക്കിയ ഇടപാടുകാർ, പഴയ നമ്പറുകൾ മറ്റൊരാൾക്ക് നൽകിയ UPI ഉപയോക്താക്കൾ, കോളുകൾ, സന്ദേശങ്ങൾ അല്ലെങ്കിൽ മറ്റ് സേവനങ്ങൾക്ക് ഉപയോഗിക്കാത്ത നമ്പറുകള്‍ ഇതെല്ലാം നീക്കംചെയ്യും.
മെച്ചപ്പെട്ട സാമ്പത്തിക ലക്ഷ്യങ്ങൾ, ഡിജിറ്റൽ ഉപദേശ സേവനങ്ങൾ, പുതുക്കിയ മൊബൈൽ ബാങ്കിങ് പ്ലാറ്റ്‌ഫോം എന്നിവയുമായി ബന്ധപ്പെട്ട വിവരങ്ങൾ AI ഉപയോഗിച്ച് ബാങ്കുകൾ അവരുടെ ഡിജിറ്റൽ ബാങ്കിങ് പ്രവർത്തനങ്ങൾ മെച്ചപ്പെടുത്താൻ ആരംഭിക്കും.
